財神公仔

下個月就係農曆新年，FB 見到有人教摺財神公仔，又幾cute 喎，一D都唔難摺，唔同利是封摺出泥有唔同效果,一於摺定d財神公仔，新年送比呀姨，舅父。。。一定中意。

太古城美食廣塲。。。茶茶居

太古城美食廣塲大變身，以前美心酒樓改為美食廣塲，有日本，韓國，上海，牛排。。。等等美食，而美心酒樓改為茶茶居，有一人點心套餐，$78 都幾抵食，一個點心拼盤，主食。。飯或麵，菜一碟，一個女仔食唔哂一個餐，水準都幾好。

康齒堂箍牙體驗日 + 箍牙決定日

今日去左康齒堂既箍牙體驗日，康齒堂有好多間診所，我今日去左位於火炭分診。

一直都有箍牙的想法，但就係遲遲唔踏出呢一步~ 最近有朋友介紹我去康齒堂，因為佢都箍得唔錯，又剛好有體驗日，咁朋友介紹都有D信心，就去左啦~

初時都唔係好知體驗日究竟係做D咩，諗住應該好似講座咁，講下箍牙有咩種類呀~咩原理呀~

去到後，發現完全無講座既setting…咁就同個姑娘講我約左體驗日啦~ 佢比左份form我填…我開頭都有諗 “點解要填form呀?” 後黎先知道原來係一對一既體驗，有位姑娘會follow我….

填完資料，姑娘就帶左我入房，拎左個ipad出黎，開始向我講解箍牙有咩種類呀~咩原理呀~ (唔係講座形式 ^^”)，然後就帶我去影X光片…

睇左無問題之後，就到今日既主角>>>> iTero 機…部機就會有支探頭，訓低之後，姑娘開始同個探頭對準我D牙，開頭都有少少驚，唔知會唔會痛或者唔舒服，對準D牙之後，聽到幾下嘟嘟聲，就沿住我D牙掃瞄，所以完全唔痛又唔會唔舒服既~

有時D轉彎位都有掃多一兩次…好快就已經掃完啦，我估大約10-15分鐘左右，完成之後，姑娘就係電腦到即時做左個電腦模擬圖~

 

模擬圖就係預期箍完牙之後既效果圖啦~ 個一下覺得好神奇丫~ 點解可以咁快就知道預期效果架….仲可以比我影低張相…之後我再問左幾個問題，姑娘都唔錯，有耐性咁答我~

我黎之前，朋友都講左價錢我知，所以我就做埋箍牙既決定啦~!

佢地之後其他地點都有體驗日架...可以打去問下...電話: 6699 2391

特朗普做美國人總統

狂人大亨特朗普成功擊敗希拉莉，成為美國總統，真令人嚇驚。佢參選時的言論，令人感到如佢成為總統，世界必大亂。

當特朗普勝出後，不少美國人査詢移民加拿大，可見佢係幾可怕。

共和黨一向喜歡戰爭，加埋—個狂人，真不敢想像會點，希望特朗普只係為參選先講果d言論，不會真係實行就好了，唔係世界大亂。

二噁英大閘蟹

大閘蟹樣本驗出二噁英，原本正準備買大閘蟹泥食，點知睇新聞話太湖大閘蟹驗出有二噁英,二噁英是引致癌症，同埋係唔能夠排返出體外。因今年大閘蟹遲了上市，所以我還未買泥食，真係好彩，唔係就中招。

一向幫襯老三陽的我，而家先知原來佢的貨係自己養殖場出產，只係借人地公司幫佢做出口証運港，咁佢Ｄ貨咪無人監管，咪即係出假証件，難為佢仲夠膽話比人知。以後買大閘蟹都係要諗清楚幫襯邊間。

MCM 新袋~~ 仲諗緊買咩色

MCM出左新背囊啦~

今日去左睇實物，好靚呀! 不過仲諗緊買咩色好~

本來一心諗住買黑色既，點知去到啡色實物都好靚...

阿媽又話紅色都好....結果....仲未買囉~

日本紫菜

個friend 剛去完日本旅行，知道我中意食紫菜，專登買咗包lemon 味的紫菜我試，紫菜食得多，lemon味真係唔知好唔好味，試吓先。。。。。oh, 酸酸地lemon味加紫菜味，怪怪的，都係原味好食d。

日本旅行，買買買，好抵呀~

今次日本旅行去左睇廣島原爆圓頂屋，其他行程無咩特別驚喜

不過今次最開心買到護膚品..香港都唔貴架，不過原本日本仲平D呀!

已經買左冬天用既份量~yeah!!!

好靚既生果串~

之前去左澳門文華酒店有個meeting...中間coffee break時間，有呢個生果食~

第一次見到咁靚既生果串，好有心機，忍唔住要影低share比大家睇睇~

富貴招財貓

同朋友去台湾旅行，見到隻富貴招財貓好得意，咁啱有另一個朋友開公司，一於貴隻招財貓佢放公司，等佢賺多d。

叻沙味合味道柸麵

近排係電視見到呀嬌呀sa賣合味道柸麵廣吿，有四種味，我專登買咗叻沙味泥試吓好唔好食。

打開好濃叻沙味，好香，食落酸酸地，好香，都幾好味，下次試埋其他新款先得。