熱情果菠蘿特飲

同friend 行完街去食越南野，見佢有個火車頭話夠二人食，叫—個睇吓係咪真係咁大碗。仲叫咗個熱情果菠蘿特飲。


嘩！火車頭真係好大碗，兩個女仔食唔哂，味道唔錯，兩柸飲品加個火車頭，$138, 抵食。

染髪工具

真係好彩，比我揾到染髮工具，染髮工具周圍都有得賣，但要包埋保護耳仔套就好小有得賣。記得上次幾年前買過一套，點知唔小心唔見咗一隻耳仔套，諗住買過，一路再揾唔到包耳套的工具。個耳套好好用架，染色時唔使染到隻耳仔。今日經過sasa, 無意中比我發現有得賣，即刻買番套先。

城城結婚了

城城郭富城终於結婚啦！等咗好耐，終於結婚，仲聽聞女方巳有兩個月身孕，恭喜恭喜！

桂圓紅棗茶

女人最易手腳凍，我都係一個手腳凍的人，朋友去完台湾買咗盒桂圓紅棗茶我飲，又幾好飲喎，唔知飲完會否手腳暖番。

蟹

突然好想食蟹，去街市睇吓先，D蟹好大隻好靚，一於買d返屋企蒸泥食先。嘩！果然好靚，好多膏，肉好甜美，好味。

合桃提子麵包

上星期試用個個麵包機，今個星期試整合桃提子麵包，睇吓好唔好食。

同上次一樣，量好材料放哂落機，等佢自己發酵，但今次等佢發酵完笫一次，在笫二次發酵前要放埋合桃同提子，等二個多小時後，美味的合桃提子包就完成。味道唔錯，不過下次可落多d合桃同提子乾。

麵包機

朋友公司年度大減價，一千四百幾蚊的麵包機減到$390 一部，一於買番個學人自家制麵包先。

又幾簡單，放哂d材料落去就自己焗好麵包，大約三小時就有新鮮的麵包食，都幾好食喎。